Flora historielag vil i samarbeid med Botnane Grendalag ha ei minnemarkering
av radiostasjonen Roska og agentane Atle Svardal og Fredrik Persen.
Dette vert søndag 6.september ca kl. 13.15. Samtidig blir det offisiell
opning av Nordsjøløypa opp frå Brevik til fjellhylla der radiostasjonen låg.
Tidlegare på dagen blir der avduking av ein minneplakett oppe i sjølve fjellskåra der Roska låg.
Denne markeringa er reservert for 20 innbedne gjester og familie av agentane og desse tek første
båt frå Fylkeskaia/Haffen kl. 10.30. Vi må avgrense denne avdukinga fordi staden ligg høgt oppe
i fjellsida på ei smal hylle, og det er derfor ikkje plass til mange på ein gang.
Alle andre Interesserte blir inviterte til å vere med båt som går frå Fylkeskaia (ved Svanhild)
kl. 12.45. Båten tar 20 passasjerar og går heilt til Breivik. Er det mange som melder seg på,
blir det vurdert å setje inn ein båt til.
Pris er kr.100,- som ein betalar ombord til Grethe Stavø eller Kari Slettvåg.
NB!! Alle som vil vere med båten må bestille plass hos Grethe Stavø på 91 14 98 65.
Vi kan oppmode dei som liker å køyre seg ein fin søndagstur, om å vurdere
å køyre rundt, slik at det vert færre som må ta båt. Ein har då og høve til å få med
seg basaren i Botnane som startar i Botnane Grendahus kl. 15.00. Meir info kan de
finne på www.botnane.com eller ein kan kontakte Rune Nordbotten på tlf. 41 55 33 95.
Offisielt Program i Breivik
Etter avdukinga oppe i Roska kjem familie og innbedne ned til Breivik ca kl. 13.00.
- Det vert ca 13.15 offisiell snorklipping av løypa og tale av ordførar Bente Frøyen Steindal.
- Så vil Bjarte Sindre fortelje om kva som skjedde her oppe i Breivik under krigen
- Til slutt vil Fridtjov Urdal fortelle om skjebnene til nokre av dei som levde her.
Botnane Grendalag vil selje kaffe og vafler/sveler i Breivik under arrangementet.
Ein gong litt før kl. 14.00, reiser dei 20 som var med og avduka minneplaketten
ned att til Florø med Grytten og alle andre vert oppmoda om å vere med på
tur opp i Roska. Godt skotøy er naudsynt, då ein går ein god del i vått myrterreng.
Det kan og vere glatt på steinane. I tillegg er det mykje flått i området, men som eit
tips unngår ein som regel å bli råka om ein tek sokkar utanpå buksane.
Grytten fer opp og hentar folk og returen vert når alle er vel komen ned
- ein gong mellom kl. 15.00 - 15.30. Vert det stor pågang, vil det kunne bli
avgang av ein båt til i dette tidsrommet.
Er det spørsmål, kan og Øyvind Kleiven kontaktast på tlf. 90 18 42 24
For styret i Flora Historielag
Reidar Brandsberg
Minnemarkering av Radiostasjonen ROSKA ved FLORØ
Moderators: Stutzpunkt, KOS
Flora krigshistorielag
Flora krigshistorielag