Fjellanlegget på Hafstadbakken i Førde
Posted: 10 Jan 2008 0:12
Skal legge ut eindel bilete frå fjellanlegget på Hafstadbakken i Førde, men eg har dessverre mesteparten på papir og ikkje digitalt så det må litt skanning til. Men her er nokre få i første omgang. Det første viser det eine av to inngangsparti. Dette inngangspartiet er ombygd med lasterampe etc etter krigen.
Dei to bileta i svart/kvitt vart tatt av ein kompis som er fotograf og som trengte ei spesiell kulisse til eit fotoprosjekt.
Fjellanlegget vart bygd i 1943 då staben til 280. I.D. vart forlagt til Førde i samband med opprettinga av Territorial-Abschnitt Førde, med general Karl von Beeren som sjef. Hafstadbakken var eitt av to støttepunkt i Førde, og var utbygd med fjellanlegget, ein brakkeleir, nærforsvarsstillingar, løpegraver, fleire mindre bunkersar samt ein regelbau 668. Pga eit sandtak er mykje av området borte i dag, men framleis finn ein brakkemurar, enkelte mindre bunkersar samt 668'en. Fjellanlegget ligg litt lenger bak i området. Det var to vegar opp til området, men berre den eine eksisterer i dag (blir som utallege andre vegar bygd under krigen kalla "Burma-vegen"). Vegane og anlegget vart bygd av russiske krigsfangar, samt tyske pioner-soldatar og var under leiing av O.T. Fjellanlegget var fullt utbygd og ferdig, og innehaldt 3 store hallar inndelt i 19 mindre rom, i tillegg var det også maskinrom, kjøkken etc. Det var også eit vassbasseng og ei sjakt oppover i fjellet til ventilasjon og nødutgang lenger oppe i fjellsida.
Etter krigen vart området ekspropriert av staten og DKV bygde i 1949 om anlegget til ammunisjonslager for inkludering i Arsenalet på Vestlandet. På 80-talet vart det tatt i bruk som lager for IR10, før det vart nedlagt på slutten av 90-talet, dels pga nedbygginga i Forsvaret og dels pga at vegtilkomsten vart redusert som følge av at sandtaket åt seg lenger og lenger inn. I 2001 kom anlegget i privat eige og er det framleis i dag.
Eg har vakse opp som nabo av anlegget og har trakka i dette området sidan eg kunne gå omtrent, så eg kjenner området ut og inn. Men eg var først inne i fjellanlegget i på slutten av 90-talet. Før det var det alltid eit stort mysterium korleis det såg ut innanfor dørene i fjellet. Det er heller ikkje så mange Førde-folk som har visst at det er eit slikt anlegg på Hafstadbakken. Hemmeleghaldet, spesielt då det var ein del av AVES, var ganske stort. Først i seinare tid har dette anlegget blitt kjent og omtala noko særleg, m.a. har lokalavisa Firda hatt eindel reportasjar siste åra om denne delen av den lokale krigshistoria.
Har henta litt av detaljane her frå eit kapittel som K. R. Berge skreiv i Bergensposten nr 2/2005 (utgjeve av Statsarkivet i Bergen).
For meir detaljar kan du laste ned heile bladet her: http://www.arkivverket.no/bergen/publik ... gpost.html
Dei to bileta i svart/kvitt vart tatt av ein kompis som er fotograf og som trengte ei spesiell kulisse til eit fotoprosjekt.
Fjellanlegget vart bygd i 1943 då staben til 280. I.D. vart forlagt til Førde i samband med opprettinga av Territorial-Abschnitt Førde, med general Karl von Beeren som sjef. Hafstadbakken var eitt av to støttepunkt i Førde, og var utbygd med fjellanlegget, ein brakkeleir, nærforsvarsstillingar, løpegraver, fleire mindre bunkersar samt ein regelbau 668. Pga eit sandtak er mykje av området borte i dag, men framleis finn ein brakkemurar, enkelte mindre bunkersar samt 668'en. Fjellanlegget ligg litt lenger bak i området. Det var to vegar opp til området, men berre den eine eksisterer i dag (blir som utallege andre vegar bygd under krigen kalla "Burma-vegen"). Vegane og anlegget vart bygd av russiske krigsfangar, samt tyske pioner-soldatar og var under leiing av O.T. Fjellanlegget var fullt utbygd og ferdig, og innehaldt 3 store hallar inndelt i 19 mindre rom, i tillegg var det også maskinrom, kjøkken etc. Det var også eit vassbasseng og ei sjakt oppover i fjellet til ventilasjon og nødutgang lenger oppe i fjellsida.
Etter krigen vart området ekspropriert av staten og DKV bygde i 1949 om anlegget til ammunisjonslager for inkludering i Arsenalet på Vestlandet. På 80-talet vart det tatt i bruk som lager for IR10, før det vart nedlagt på slutten av 90-talet, dels pga nedbygginga i Forsvaret og dels pga at vegtilkomsten vart redusert som følge av at sandtaket åt seg lenger og lenger inn. I 2001 kom anlegget i privat eige og er det framleis i dag.
Eg har vakse opp som nabo av anlegget og har trakka i dette området sidan eg kunne gå omtrent, så eg kjenner området ut og inn. Men eg var først inne i fjellanlegget i på slutten av 90-talet. Før det var det alltid eit stort mysterium korleis det såg ut innanfor dørene i fjellet. Det er heller ikkje så mange Førde-folk som har visst at det er eit slikt anlegg på Hafstadbakken. Hemmeleghaldet, spesielt då det var ein del av AVES, var ganske stort. Først i seinare tid har dette anlegget blitt kjent og omtala noko særleg, m.a. har lokalavisa Firda hatt eindel reportasjar siste åra om denne delen av den lokale krigshistoria.
Har henta litt av detaljane her frå eit kapittel som K. R. Berge skreiv i Bergensposten nr 2/2005 (utgjeve av Statsarkivet i Bergen).
For meir detaljar kan du laste ned heile bladet her: http://www.arkivverket.no/bergen/publik ... gpost.html